ئەو فڕۆكەيەي پێشمەرگە دەستي بەسەردا گرت ئێراني بوو؟

بە گوێرەي هەندێك زانياري، ئەو فڕۆكە بێ فڕۆكەوانەي كە لە سنووري شارەدێي سەعديە و لە نزيك دەرياچەي حەمرين، پێشمەرگەکان دۆزييانەوە، ئێراني بووە.

سەرچاوەيەك لە نێو هێزەكاني 70ي پێشمەرگە، تايبەت بە “باسنيوز”ي ڕاگەياند، لە ئۆپراسيۆنێكي هێزەكاني پێشمەرگەي كوردستاندا، كە بە مەبەستي گەڕان بە دواي چەكداراني داعش لە سنووري شارەدێي سەعديە ئەنجاميان دابوو، فڕۆكەيەكي بێ فڕۆكەوان لە لايەن پێشمەرگەوە دۆزرايەوە.

بە گوتەي سەرچاوەكە، ئەو فڕۆكەيەي لە لايەن پێشمەرگەوە دۆزراوەتەوە، ئێرانييە و بۆ چاودێري كردن و كۆكردنەوەي زانياري چووەتە ناوچەكەوە، بەڵام لە لايەن چەكداراني داعشەوە خراوەتە خوارەوە.