Ebadî: Ji bo Petrola Kerkûkê Boş Neherike Em Ji Kurdistanê Dikirin

Serokwezîrê İraqê Heyder Ebadî bersiva pirsên parlamenterên Ereb da ku dixwestin derbarê petrola Kerkûkê de agahiyan bide wan.
Serokwezîrê İraqê Heyder Ebadî roja Yekşemê beşdarî rûniştineke taybet a Parlamenterê İraqê bû. Di rûniştinê de gelek pirsyar jê hatin kirin. Derbarê rûniştinê de Parlamentera Kurd Eşwaq Caf ji BasNewsê re got:‘’Ebadî got ku bila kes wiha nefikire me rêkeftineke nehênî ligel Herêma Kurdistanê kiriye, tişta me kiriye eşkere û di çarçoveya destûrê de ye.’‘
Eşwaq Caf diyar kir ku piraniya parlamenterên Ereb pirsî ne ka çima Herêma Kurdistanê petrola Kerkûkê difroşe İraqê û Ebadî jî wiha bersiv daye wan: ’Ez ligel şirketên cîhanî axifî me, ji min re gotin ku kêlgehên petrolê yên Kerkûkê gelekî kevin bûne û eger petrol ji wan neyê derxistin ew petrol diçe bin erdê û sûd jê nayê wergirtin.’‘
Caf da zanîn ku bi van axaftinan jî hemû parlamenter matmayî mane û her ji Ebadî xwestine zêdetir derbarê mijarê de agahiyan bide wan. Caf wiha axifî: ‘’Ebadî behsa Artêşa İraqê jî kir ku got kariye li hinek navçeyan rûbirûyê terorê bibin. Herwiha qala Pêşmergeyan jî kir ku li hinek cihan alîkariya Artêşa İraqê kirine, bi taybetî li Celewla û Sadiye.’‘
Derheqa butçeya Hêzên Pêşmerge de jî, Eşwaq Caf got: ‘’Min ji Ebadî pirsî ka we çi kiriye ji bo butçeya Hêzên Pêşmerge, wî jî got:*‘Eger ew fermana Serokê Hêzên Çekdar ê xwe werbigirin û ser bi Herêma Kurdistanê bin, evna divê ew butçeyê ji wan re temîn bikin lê eger ser bi hikûmeta İraqê bin jî em ê butçeyê temîn bikin.’‘BasNews