پەيامي سەرۆك بارزاني بۆ دەزگاكاني ڕاگەياندن و ميدياكاراني كوردستان؟

بەناوي خوداي مەزن و دلۆڤان

لەدواي گۆڕانكارييە خێراكاني ئەم دوايەي عێراق بارودۆخێكي نوێ هاتۆتە ئاراوە و گەلەكەمان ڕووبەڕووي تەحەديات و ڕەوشێكي تازە بووەتەوە. ئەم بارودۆخە پێويستي بە يەكڕيزي و تێگەييشتنێكي نەتەوەيي و نيشتيمانيي هەموو لايەك هەيە. لێرەدا ڕۆڵي ميدياكار و دەزگاكاني ڕاگەياندن لە گواستنەوەي ڕووداوەكان و ئاگاداركردنەوەي خەڵك و هۆشياريي نەتەوەيي زۆر گرنگ و يەكلاييكەرەوەيە.

داوا لە هەموو ڕۆژنامەنووس و ميدياكار و دەزگاكاني ڕاگەياندني بيستراو و بينراو و خوێندراو و ئەلكتڕۆني دەكەم لە گۆاستنەوەي ڕووداوەكان و بڵاوكردنەوەي گياني يەكڕيزي و تەبايي و هەستكردن بەبەرپرسيارێتيي نەتەوەيي ڕۆڵي ئێجابيي خۆيان بگێڕن.

ئەم قۆناغە پێويستي بە هەماهەنگي و هاوكاريي گشت لايەك هەيە. جێگەي داخە كە دەبيندرێ ژمارەيەك دەزگاي ميديايي لە هەواڵ و ڕاپۆرت و بەرنامەكانياندا لە مامەڵەكردن لەگەڵ دۆخي تازەدا ڕەچاوي بنەماكاني پڕۆفيشناڵيي كاري ڕۆژنامەواني و فەهمي نەتەوەيي بۆ ڕووداوەكان و داب و نەريت و بەهاكاني گەلەكەمان ناكەن. لەم ماوەيەدا دەبيندرێ هەندێ لە ڕاگەياندنەكان شەهيدبووني پێشمەرگە قارەمانەكان بە كوژران ناو دەبەن هەروەكچۆن بۆ تيرۆريستەكانيش هەمان وشە بەكار دەهێنن.

ئەگەر ئەم جۆرە ميديايانە ڕۆڵي ئيجابيش لە گواستنەوەي ڕووداوەكان نەگێڕن هيچ نەبێ ڕێزي ئەو خوێنە بگرن كە پێشمەرگە لەپێناو بەرگريكردن لە خاك و كەرامەتي وڵاتەكەيدا دەيبەخشێت، ئەو پێشمەرگەيەي ئامادەيە بۆ بەردەواميي ژياني هاونيشتيماناني گياني خۆي بەخت بكات. لەسايەي خوێني پێشمەرگەيە كە كوردستان خۆڕاگرە و ئێوەيش دەتوانن كاري خۆتان بەوپەڕي ئازادييەوە ئەنجام بدەن، بۆيە هەموومان قەرزاري دلێري و گيانفيدايي پێشمەرگەين.

بەهيواي سەركەوتني يەكجارەكيي گەلي كوردستان

مسعود بارزاني
سەرۆكي هەرێمي كوردستان

بارك الله فيكم ونفعنا بما قدمتم
جزاكم الله خير الجزاء
سلمت اناملكم
فى انتظار ابدعاتكم
دمتم متألقين مبدعين متميزين

ميار

» سه روك بارزاني.
» آقوال اﻵب الاسطورة الملا مصطفى بارزاني ..
» حبيبتي اسمها كوردستان
» مەسرور بارزاني لەگەڵ ئەنداماني پەرلەمان كۆدەبێتەوە؟
» هەڵەبجە بە فەرمي بوو بە پايتەختي ئاشتي كوردستان؟